رايد وطن من صدگ ... بس كون الگه الصدگ
حتى انه اريدن وطن
ورايد شعب مو شعب ... ياكل ويشرب فقط
رايد شعب ينتفض لو مر عجاف الزمن
ورايد بعد وشكثر ... احلام من الزغر
كل يوم يطلع شمر وليهسه متحققن
والماأريده نعم ... راح انه اگوله بألم
والصوت هو القلم والورقة اسمع اذاً :
مااريد بابي تدگ .. تحرجني ما عندي
ومااريد عالارصفة الگه الصبح ولدي
ومااريد اعبر جسر والگه مَره اتجدي
ومااريد ابن الوطن يحلم لِبس جندي
ومااريد فارس چذب مليت من الچذب
عبرن عليه گبل بس هسه ما عبرن
ولاتبچي ما اقتنع خبرة صرت بالدمع
م.ور عدنه ظلع ويگلي لا عثرن
وعندي بعد بس طلب ... عاجل لكل العرب!
اذكر عبارة أمس ... ظلت تحز بالنفس
" القاهرة تكتب وبيروت تطبع وبغداد تقرء "
ما تكتب القاهرة وبيروت ما تطبع لا احنه مو فقره
بغداد تكتب بعد ..
بغداد تطبع بعد ..
وكل الشعب يقره وكل العرب تقره
كل العرب تقره ...
قصيدة (تداعيات وطن) للشاعر المبدع ضرغام العراقي:
هـــلا وغـــلا بمن زارنـــا نـــورت يـــالغـــلا 
2014-01-18, 12:40 am من طرف 
موضوع: قصيدة (تداعيات وطن) 